Ronaldo Sipak Bhan, Idöng Awak Nonton Patah

Cristiano Ronaldo, awak maen sipak bhan nibak Juventus. (Foto ata meucok bak internet)

ACEHTREND.COM, Turin- Elena Di Martino, nyang jak nonton sipak bhan antara Juventus deungon Chievo di lapangan Allianz Stadium, patah idöng jih. Disurah uleh FourFourTwo, Hameh (24/1/2019) idöng sinong nyan patah keunong bhan nyang disipak uleh si Ronaldo.

Nibak wate sipak bhan nyan teugoh dipeu-seu-um awak maen, Elena Di Martino to that diduk ngon bineh tanoh lapang. Adak pih meunan, sinong nyan seunang that hate jih, kareuna Juventus dicangkoi Chievo 3-0 hana balah.

Idöng si Elena patah nibak wate teungoh awak sipak bhan peu-seu-um tuboh, sigohlom sipak bhan dipeuphon nibak Serie A. Elena nyang hana disurah pukeuh mantong dara atawa kalheuh kawen, suwah dipareksa uleh mantri keusehatan Juventus.

Lheuh dipeu-ubat, si nong nyan dituleh keujadian nibak Pehbuk (Facebook-red)

“Muka lon keunong bhan yang disipak uleh Ronaldo. Nyoe saboh hai nyang jareung that. Sabah beuluwah raya keu mandum rakan nyang kajak intat dukungan keu ulon. Fino alla fine!” tuleh si Elena bak binteh Pehbuk.

Nibak surat haba Corriere della Sera, si Elena dipeugah sangkira Ronaldo ditupu musibah patah idöng jih, maka suwah diudang pajoh bu malam dua jih.

“Ronaldo suwah undang lon pajoh bu malam,” kheun Elena.


KOMENTAR FACEBOOK