Darwati Intat Timphan keu Irwandi di Jakarta

ACEHTREND.COM,Jakarta- Darwati A. Gani, purumoh Gubernur Aceh nonaktif Irwandi Yusuf, Seulanyan (28/1/2019) geujak intat timphan dan teunagun Aceh nyang laen, keu lakoe geuh nyang teungoh na masalah hukom di Jakarta.

Dikutep dari peneugah Serambi Indonesia, Darwati geuba timphan ngon peunajoh laen khas Aceh, bak Geudong Tipikor di Jakarta. Ureung nyan dua geupajoh bu cot uroe dua geuh. Nibak ruman muka, deuh bahwa mandua geuh meuchen that keu bhah lage nyan.

” Nyoe,na lon ba timphan ngon teunagun laen,” kheun Darwati lam basa Toko (basa Toko nakeuh basa Indonesia-red)

Darwati baro kalinyoe geujak jeungeuk Irwandi nibak Gedong Tipikor. Sigohlom jih incit anggeta DPRA nyan seureng geujak saweu Irwandi di tutopan KPK.

Bah pieh na geujak intat timphan, Darwati hana geutamong lam bilek sidang. Darwati preh di lua nibak kama peuniyoh jamee.

Sigohlom nyan, padim buleuen nyang ka u likot, Irwandi didrop uleh KPK karena ditudoh na pajoh peng jatah reman (fee-red). Bah pih meunan, Irwandi teutap geupeugah hana dipubut lage ditudoh uleh KPK. Sampoe ‘at nyoe, sidang mantong dipeujak oleh pengadilan. Gohlom na putosan teuntang bhah nyan.

Berita dan foto asai nibak Serambi Indonesia. Alih basa uleh aceHTrend.

KOMENTAR FACEBOOK