Peuleumah Boh Sapai, Soimah Meugaya Lage Rambo

ACEHTREND.COM,Jakarta- Tukang peugot lucu nyang seureng cit jeut keu tukang meulagu dan tukang kheun keugob nibak padum boh acara seutot bakat, Soimah, diposting foto jih ngon gaya peuleumah boh sapai raya.

Foto nyang ditret uleh aceHTrend nibak layeu istagram @showimah, Seulanyan (28/1/2019) nakeuh gamba peulawak inong nyang cukop subra nyan, deungon gaya reman.

Deungon muka seuriuh lage poster bak film Rambo, Soimah dingui baje puteh hana sapai (tanktop) wareuna puteh. Boh sapai areutih asai Jawa Teungoh nyan deuh lumpah that raya. Lage boh sapai aneuk muda film India.

Soimah. Gamba nyoe ditret dari akun istagram @showimah.

Soimah memang areutih carong dan dumpu jeut dih. Mulai dari meulagu, meulawak, kheun keugob dan laen-laen. Di likot nibak nyan, wate tampil lam tiphi atawa off air, Soimah hana male-male. Jih cukop that prophesional bak dikeurija.

Nibak wate gamba nyan dicok uleh aceHTrend, nyang komentar nibak foto nyan nakeuh 4926 komentar dari awak nyang galak keu Soimah. Nyang dibi tanda galak keu foto nyan sampoe angka 154 214 droe ureung. Termasuk nyang bi tanda galak keu foto nyan nakeuh si Zaskia Goyang Iteik nyang hana jadeh meukawen ngon Viky Prasetyo kareuna sigam nyan rupajih tukang peungeut inong.

KOMENTAR FACEBOOK