Inong Tunisia Lake Salome, Saboh Lakoe Rame-Rame

Ureung inong Tunisia. Walau tari jai awak nyan nyang hana lakoe. (Ist)

ACEHTREND.COM, TUNIS- Tunisia kiroh lagoina lam dua uroe nyoe. Hai nyan nakeuh gara-gara na padim droe ureung inong hana lakoe, lake Pomerintah Tunisia untuk peuwajeb poligami, nak mandum inong sidroe (jomblo-red) di nanggroe nyan na meurumpok lakoe.

Bhah nyan disurah uleh Tempo, Kamis (31/1/2019). Hana maen-maen, nak jeut keu pikeran pomerintah, awak inong hana lakoe nyan dipeugot kompanye nibak media sosial. Lam media sosial dipakat ubena inong sidroe untuk jak saban sama tron u jalan jak demo pomerintah.

Teunte hai nyoe jeut keu soalan macam bansa di donya. Baro kalinyo na ureung inong lam saboh nanggroe lake poligami, nak mandum awak nyan na lakoe.

Di Afrika Utara, ureung inong sidroe kajeut keu masalah. Di Benua Afrika awak nyan lumboi sa soai ureung inong hana lakoe. Di nanggroe Arab, Tunisia duk bak rangking peut bhah inong sidroe.

Pu nyang dipeulaku uleh padum droe ureung inong nyan, teunte meumasalah ngon hukom di Tunisia. Di sideh sidroe agam hanjeut meunikah leubeh dari saboh. Sidroe agam untuk sidroe purumoh. Hanjeut leubeh. Meunyo leubeh keunong sitrap nibak pomerintah. Nyan bhah diato lam 18 Personal Status Code.

Presiden Forum Kebebasan dan Kewarganegaraan , Fathi Al-Zghal, lam ban-ban nyoe dipeumaklum proteh awak inong hana lakoe nibak surat haba.

Lam minda jih, pu nyang diproteh uleh awak inong nyan dum nakeuh saboh peukara geunteng nyang hanjeut hana dipereumeun uleh pomerintah.

“Nyoe soai na atawa hana lakoe. Kon peukara bacut. Awak nyoe ditem saboh lakoe dibagi peut. Ditem poligami, nyang peunteng na lakoe,” kheun Fathi.

Si Fathi pih jidukung kaji ulang Personal Status Code, yang meunurot jih han paih keu kemerdekaan ureung inong.

Meunurot data nyang dipeuleumah uleh National Office for Family and Population Tunisia, Jumeulah urueng inong hana lakoe di sideh nakeuh 2,25 juta droe, dari total 4,9 juta droe ureung inong. Umu paleng muda nyang mantong hana lakoe nakeuh 25 sampoe 35 thon.

bah pih awak inong di Tunisia dilake Pomerintah untuk yu ureung agam meukawen lage lam tuntunan syariah, tapi bek jak harap awak di luwa Tunisia jeut jak keudeh.

Dari haba nyang teuka bak aceHTrend, pulom awak Aceh nyang hana keumah sapue, han dibi jak peu ureung-ureung droejih keudeh u Tunisia. Seubab seulera awak Tunisia teutap han saban ngon seulera di dalam nanggroe nyoe.

“Awak nyan dilake lakoe nyang warga aseuli Tunisia, kon imigran,” kheun sidroe netizen.

KOMENTAR FACEBOOK