YIM: Meunyo Hayeu That, Rizieq Shihab Peugot Peureuete Droe Laju

ACEHTREND.COM, Jakarta- Keutuha Umum Peureute Buleuen Bintang (PBB) Yusril Ihza Mahendra (YIM) geupeugah meunyo ka hayeu that droe, Habib Rizieq Shihab geuyu peugot peureute politik droe laju saboh. YIM geupeugah lom, Rizieq hanapu jak adoek paya lam PBB.

Narit YIM geupeuteubit nakeuh untuk jeunaweub haba Imum Syiek Front Pembela Islam (FPI) Habib Rizieq Shihab, nyang geuyu teubit mandum awak FPI dari PBB, kareuna peureute nyan kadijak bri sokongan keu calon Presiden ngon Waki Presiden RI Lumboi 01 Jokowi-Ma’ruf Amin. Lam pulitek pilpres, Habib Rizieq Shihab geudong blah Prabowo-sandi, nyang menurut drogeuh nyan that-that meuwakili Iseulam.

“Takalon mantong ukeu nyoe, pu gobnyan keumah geupeudong peureute, bek raya haba mantong,” kheun YIM, Hameh (31/1/2019).

Lam pikeran YIM, pu nyang geupeugah uleh Habib Rizieq geuyu teubit mandum awak FPI dari PBB, nakeuh hai nyang biasa. hana nyang geunteng that. Hana peungaroh keu elektabilitas PBB nibak pemilu 2019.

BACAAN LAINNYA

“Meunyo gobnyan keuneuk lawan pomerintah, peugot ju peureute droe saboh. Bek geujak ceumawoe lam PBB,” kheun Yusril.

Sikap dukong Jokowi-Ma’ruf dicok uleh PBB lam Rakornas barosa. Nyan nakeuh keputusan PBB lheuh geutimang deungon lhok.

Akibat sikap nyan, HRS pih geucok sikap. “Hana pu, PBB peureute meudeelat, hanjeut dijak dikte uleh urueng laen, ” kheun YIM.

Sumber asai: CNN (lam basa Indonesia)