Lantak Inter Milan 4-3, Lazio Leupah u Semifinal Coppa Italia

Lazio dihambo Inter Milan 4-3 nibak babak adu pinalti.

ACEHTREND.COM, Milan- Klub sipak bhan Internazionale Milano atawa nyang kayem ditawok seubago Inter Milan, Jumat teungoh malam, (1/2/2019) wate ureung Aceh teungoh cot boh Idông, dikupruk uleh Lazio 4-3 bak adu pinalti.

Deungon hase nyan, Inter Milan kajeut wo u gampong, diseutot Juventus nyang kaleupah diwo awai.

FC Internazionale Milano atau Inter diramah SS Lazio Coppa Italia. Awak Inter taloe nibak seuperpeut final.

Dari phon maen sampoe babak tamah wate, Inter memang kadeuh hana daya. Pulom nibak babak tamah wate awak lazio ditume peulop sineuk bak minet 108 uleh Ciro Immobile.

Gara-gara sineuk nyan, awak Inter that brat teukeujot baten. Bah pih meunan awak nyan dimubit habeh sampoe minet akhe. Nyan keuh gara-gara, so nyang sungoh teunte meurumpok hase. Bak ujong wate, Mauro Icardi nyang sipak pinalti, hase dipulob sineuk lam gon Lazio.

Awak Inter karhap hate jih. Babak adu pilanti diharap na ruweung keu awak nyan.

Sayang leupah that sayang, bak babak nyan Inter disambai uleh lazio 4-3. Awak Lazio meunang kareuna tok sineuk nyang hana dilop lam gon. Nyakni ata disipak uleh Riza Dumazi. Awak Inter dua neuk han keumah dipeulop lam gon Lazio. Lautaro Martinez dan Radja Nainggolan. 

Lheuh meunang lawan Inter, Lazio meurumpok teuma ngon syedara saboh “mak” Inter Milan, nyakni AC Milan, nibak semifinal Coppa Italia. Semifinal laen antara Fiorentina meupok ngon Atalanta.

KOMENTAR FACEBOOK