Prabowo: Bek Neutarek Siluweu Lon

Foto: Pos Kota

ACEHTREND.COM, Jakarta- Calon Presiden RI Lumboi 02 Prabowo Subianto, uroenyoe, Sabtu beungoh (2/2/2019) geujak ikot acara jak seulow dari Balai Kota keu blang (lapangan-red) Monumen Nasional (Monas).

Di sampeng Prabowo, Anis Baswedan, Fadli Zon, Koordinator Relawan BPN Prabowo-Sandi, Ferry Musyidan Baldan, incit binoe Prabowo nakeuh Siti Hediati Hariyadi atau biasa geutawok deungon nan Titiek Soeharto, teuka cit nibak acara nyan. Seuleubeh jih nakeuh awak nyang galak keu Prabowo, nyang jumeulah jih sampoe meuribe-ribe. Angka pasti hana meudup, kareuna hana ureung nyang bileung.

Acara jak seulow nyan dipeurame uleh marching band Cakra Garuda Yaksa. Dari haba nyang teuka nibak media, meuribe relawan teuka dari macam bago wilayah. Dari poh 06.00 beungoh awak nyan ka meusiprek di Jalan Medan Merdeka Tunong. Awak nyan dipeukilak-likak alam(bendera-red) nyang meutuleh Relawan Roemah Djoeang, sira dipeugot aneuk jaroe lage simbol lawetnyo keu meukeusud dukong lumboi 02.

Awak pulisi meuleupah hek dih bak diatoe moto ngon ureung yang meuruwah nibak jalan aseupal itam. Prip nyang awak nyan yup, kalage musik di teungoh walimah ureung kawen.

Poh 06.40 beungoh, Prabowo teuka nibak teumpat nyan. Calon Presiden RI nyan geupakek baje kawoh meutuleh Roemah Djoeang seurueta geupakek kacamata itam.

“Ilon hanjeu peugah haba, aturan, lon lake sokongan,” kheun Prabowo lam basa Toko.

Meunan geukalon Prabowo teuka u lokasi, bek tanyoeng subra ureung inong kana lakoe nyang dikheun emak-emak. Mandum awak nyan meurupah lake dong foto ngon Prabowo. na cit nyang hawa geusalam Prabowo.

Ureung inong kana lakoe nyang mupah subra nyan, hana geupadoli bahpih acara kadimulai. Geulingka Prabowo rame-rame. Panitia acara teubit reuoh bak dipeubibeuh Prabowo dari glong ureung inong nyan dum.

“Bek neutarek siluweu lon,” khen Prabowo. Mungken na nyang hana meurumpok foto roh meutarek siluweu incit Danjen Kopasssus nyan.

Acara jak seulow nyan dimulai anlheuh Prabowo ngon Anies geucupet sirine meusigoe mandua geuh nyan. “Bismillahirohmanirrohim, teurimonggeunaseh, beu teugoh bak jalan,” kheun Prabowo.

Sumber link asal: Jalan Sehat Bersama Titiek Soeharto, Prabowo : Tolong Jangan Tarik Celana Saya

KOMENTAR FACEBOOK