That Paloe, Spanduk Caleg di Bireuen Dipriek Hantu Blawu

Baliho si Muhazir ngon doto Purnama, nyang keunong cang di Juli (Ist)

ACEHTREND.COM, Bireuen- Aleh pakon, hana meupu seubab, jai that spanduk seureuta baliho caleg di Bireuen keunong reuloh nibak hantu blawu. Mulai dari caleg DPR RI, sampoe caleg DPRK keunong labon nibak bandet nyang hana peudeuh droe.

Dari hase keunalon aceHTrend sampoe Seulasa (5/2/2019) Spanduk nyang keunong labon dari hantu blawu nakeuh atra Muhazir (Birly) caleg DPRK Bireuen dapil Juli-Jeumpa dari Peureute Keuadilan Seujahtra (PKS), dr. Purna Setia Budi caleg DPRA dari PKS.

Baliho Iqbal nyang keunong cang uleh hantu blawu. (Ist)

Baliho Tu Haidar, aneuk Tumin Blangblahdeh nyang ek u DPRA ngon Peureute Nanggroe Aceh (PNA), baliho Iqbal caleg DPRA Peureute Demokrat. Keu DPR RI, caleg nyang paleng jai keunong cang spanduk nakeuh atra Firmandez caleg Peureute Golkar.

Tu Haidar padahai nakeuh aneuk Tumin Blangblahdeh, sidroe ulama nyang peutimang umat. Pasukan hantu blawu rupajih hana dituri tube-tube kaoy. Mandum dipeusaban. Sama cit lage Iqbal nyang seulama nyoe dituri seubago parui Tusop Jeunib. Doto Purnama sidroe caleg nyang kayem peuubat urueng hana geucok peng. Jai that urueng mume nyang gobnyan bantu. Si Muhazir, seulama nyoe hana meumusoh deungon gob laen. Jih dijak ube lot tapak diduk ube lot punggong.

Si Muhazir, gara-gara kayem that spanduk jih keunong priek, sampoe dituleh statuih bak Facebook.

“Kiban cara perbaiki daerah keuh meunyoe meupolitek montong kasalah cara. Moga ureungnyan beu tubuka pinto hatee geuh ya Allah. Amiiin,” tuleh Birly nibak Facebook jih.

Baliho Tu Haidar nyang ditakat uleh hantu blawu. Peureute bandet peuanco baliho caleg hana dituri aneuk-aneuk ulama. Mandum dipeusaban. (ISt)

Keujadian dipriek spanduk nibak pileg 2019 di Bireuen, bukonkeuh saboh hai nyang baro. tabiat ta’eut sampoh nyan kadipeulaku dari pemilu awai kon.

Sampoe hat jino gohlom meuso pasukan hantu blawu nyang rampot spanduk caleg. Seureuta hana meupu lom meukeusud keupu dipeulaku but nyan.

KOMENTAR FACEBOOK