Sidroe Mak di Jakarta Peumukah Anek Ngon Lakoe Muda

RT dan Mir (baje kuneng kunyet/orange) didrop uleh bentara Polres Jakarta Selatan (Ist)

ACEHTREND.COM, Jakarta- Mir (39) sidroe mak di Rawajati, Pancoran, Jakarta Selatan, keubit pungoe. Bak dijak peuturot lakoe muda, dijih dibi pajoh aneuk jih bak agam umu 43 thon. Umu aneuk jih 15 thon.

Menurut haba nyang dipeusampo uleh Kasat reskrim Polres Jakarta Selatan, Kompol Andi Ghalib, yang dituleh ulang uleh Pos Kota, Kamis (7/2/1019), but hana jeut keubut nyan phon mula bak saboh uroe.

Nibak saboh uroe si RT nyang ka dimeunikah ngon Mir, hawa dineuk meumukah ngon aneuk si Mir nyang mantong 15 thon. Si gam nyan hawa jih dimeu- en seks lam kama dua lawan sa. Lage lam pilem-pilem blue.

Nan aneuk malang nyan taboh ju Bungong. Nak bek susah that ta ingat.

Keu si Bungong, RT dijok peng 200 ribe dan dimeujanji akan dibloe hp nyang na internet.

Si Bungong teunte hana ditem. Cuma kareuna Mir sayang that keulakoe budok antok nyan, dijih dipaksa aneuk jih untuk jak maen “sayang-sayangan” di dalam kama lhe jih. RT, Mir dan Bungong.

“But nyan kadipubut dari Oktober 2018 sampoe Januari 2019. Leubeh dua go si Mir ditume peulaku aneuk manyak nyan,” kheun Andi Ghalib.

Si Bungong nibak keududo han abeh dipike. Jih ka korban uleh but pungo ma ngon yah ui jih. Nibak saboh uroe si Bungong dijak peugah teuk bak yah drojih.

Pu ban teuma, meuban dideungo calitra nyan, ayah si Bungong mirah muka beungeh jih. Pulom wate dideungo kon le sigoe dua goe dipeulaku aneuk jih uleh agam paleh jeh.

“Bak saboh uroe, RT geupeulaku lon dan geupeulaku mak, dikeu adek nyang mantong ubit,” kheun si Bungong bak yah jih sambilan diklik.

Dengon mata hu, ayah si Bungong laju sigra geujak u kanto bentara Polres Jakarta Selatan. Meuban diteurimong haba nyan, bentara sigra dibeurangkat jak drop dua droe ureung “saket jiwa” jeh.

“Si RT nyang but siuroe-uroe nakeuh seubago satpam di rumoh saket, seureuta mak si Bungong, tadrop kareunan meulanggeh deungon Pasai 76 huruf D juncto Pasal 81 UU RI lumboi 35 Thon 2014,” kheun Andi.

Keu si Bungong, bentara seureuta UPT Pemberdayaan Perempuan dan Anak, geupeugot konseling. Aneuk nyan brat that trauma jih. Psikologis jih teuganggu. Ditamah lom ngon male.

KOMENTAR FACEBOOK