Lheuh Bloe Sabe, Tukang RBT Dibeureukah di Keu Meulasah

ACEHTREND.COM,Meureudu- si M (36) anggeta Satpol PP Pidie Jaya, awak gampong Meuraksa Kupula, seureuta tukang RBT, MJ bin J (39) awak Beurawang, mandua nyan lam Kecamatan Meureudu, dibeureukah polisi, Hameh (7/2/2019).

Dipeugah uleh Kapolsek  Meurah Dua, Ipda. Syahril, SH., si MJ nyan didrop di keu meulasah Gampong Meunasah Raya. “Si MJ nyan didrop uleh tim Opsnal Polsek Meurah Dua, terkait rh’up sabe nyang dibloe dari si M. Nyan narkotika tingkat phon,” kheun Syahril, Jumat (8/2/2019).

Polisi diteupu MJ banlheuh bloe sabe, kareuna na ureung gampong nyang peutroh haba nibak polisi. Meuban ditumee haba nyan, polisi sigra jak lum. Bak jaro MJ nyan polisi diramah bukti 0,16 gram sabe.

Lheuh dibeureukah si MJ nibak poh tujoh seupot, polisi dibahu si gam nyan u rumoh si M. Rupajih anggeta Satpol PP nyan hana diwoe lom u rumoh. Polisi sigra dimeundap. Poh sikureung malam M diwoe u rumoh. Hana dipreh singoh, polisi sigra dibeureukah si M.

Lam rumoh si M polisi ditume bong nyang kayem dipakek keu alat rh’up sabe. Mandua awak nyan teuma dibahu u kanto polisi.

Laporan lam basa Indonesia: Ilhami

Editor dan translator: Muhajir Juli

KOMENTAR FACEBOOK