20 Thon Meukawen, Nong Ban Jiteupu Lakoe Jih Dimeucewek Ngon Ureung Agam Laen

ACEHTREND.COM,Surabaya- Baten si Nong (40), sidroe purumoh di Surabaya, meupah raya teukupak. Hai nyoe nakeuh gara-gara jih jitume lakoe jih, Misan (45) teungoh “coblos pemilu” rot “pinto likot” deungon rakan jih nyang sama-sama agam, Samsuri (43).

Disurah uleh Pos Kota nibak Seulanyan (11/2/2019) meuban diteupu lakoe jih ternyata kawom nyang lawan Nabi Luth, si Nong hana dipreh singoh. Sigra dijih dijak uroh cre. Si Nong han habeh dipike, padahai ka 20 thon awak nyan meurumoh tangga.

Dijih han leupah dibayang, wate malam si Misan di maen balap guda ngon si Nong, di wate laen justru jak “kuh kakoh” sabe-sabe agam. That brat luwat oh wate diingat. Ata incit ek si Samsuri dipasoe lom bak jih.

“Sigohlom lon tume awak nyan pubut liwath, hai ka kayem that awak nyan jak dua. Pulom dipeugah memang mandua jih nyan rakan dari SD. Boh panena lon tupu di lon awak nyan rupajih galak keu ruhung p******ng,” kheun si Nong.

Dipeugah uleh si Nong, si Samsuri ka seureng di eh di rumoh awak nyan. Biasa jih, kon cuma di eh, dipajoh bu, dimanoe di rumoh nyan cit. Oh wate malam, si Misan dieh ngon si Nong.

“Hai, kareuna ka kayem di rumoh ka lage biasa ju. But jeuheut nyan dipubut wate hana lon di rumoh,” kheun si Nong.

Pakon si Nong peugah meunan? Padum uroe nyang ka u likot, si Nong awai diwoe dari keurija seubab dinak jak bak khauri ureung kawen. Ijih dinak jak sigoe ngon si Misan.

Wate teuka di rumoh na dikalon silop si Samsuri di leun rumoh. Tapi jih hana curiga. Meuban dibuka pinto, si Nong meuleumpah teukeujot. Jih dikalon Misan ngon Samsuri teungoh meuseutuboh ateuh teumpat eh lam kama.

Nyang meulumpah saket lom, lheuh dipeugah haba ngon Misan, lakoe jih nyan leubeh dipileh Samsuri keu peundampeng hudep jih.

“Hai nyan beurati ka pungo. Pu tajak peutheun rumoh tangga ngon ureung pungo. Kuweh tabi ek dilake. Mang tukang pajoh ek,” lheun si Nong, muka jih luwat-luwat meunan wate dicalitra.

Gamba dan calitra dari Pos Kota.

KOMENTAR FACEBOOK