Aleu Panggong Patah, Darabaro Meujungkat Lam Krueng

ACEHTREND.COM,Jakarta- That gura, gara-gara aleu panggong patah bak bagian teungoh, sidroe darabaro di Jakarta Barat, meujungkat lam krueng ubit. Bah pih meunan, adak habeh bulut, rupa darabaro nyan teutap ceudah.

Dipeugah uleh Pos Kota, Seulasa (12/2/2019) musibah nyan kareuna aleu panggong nyang dipeugot di ateuh krueng ubit nyan, hana kong le. Bukon hanya darabaro nyang meujungkat iku,jamee jai cit nyang meusempom lam krueng. Pupu nyang na geuh habeh bulut.

Kapolsek Cengkareng, Kompol Khoiri, geupeugah musibah nyan di Kapuk, Cengkareng, Jakarta Barat.

” Awai hana pupu. Aleu panggong dari tripleks. Wate darabaro teuka u panggong dan jamee ka meutamon sinan, tiba-tiba patah. Meuhambo ju mandum,” kheun Khoiri.

Adak pih meunan, khauri walimah teutap hana putoh. Lheuh ganto baje darabaro duk peulami lom. Panggong dipeugot keulayi uleh panitia. Hana nyang luka lam musibah nyan.

Cuma, padim droe jamee nyang meuteugom lam krueng, ka suwah woe laju. Seubab han mungken dijak likak-likak sinan ngon baje bulut.

Foto: Pos Kota

KOMENTAR FACEBOOK