Garuda Peutron Yum Tiket, Ureung Gampong: “Nyan Cok Rasa Ka Suwah Peupo Bangku Soh”

Sumber foto: Tempo

ACEHTREND.COM, Jakarta- Gara-gara yum keureucih kapai pho meuleumpah meuhai lam padim wate nyoe, akibat jih jai that ureung nyang ka beuo jak u luwa pakek jasa kapai.

Ubena dum kapai ka suwah parkir di lapangan (bandara-red), kareuna keureucih nit that lagoet. Awak keurija bak bloe tiket ditume seumeu’geub bak diduk lam kanto.

Garuda Indonesia Group, rupajih kabagah jaga dari hai nyan. Untuk yum keureucih awak nyan dipeutron yum lom sampoe 20 peureusen, mulai Hameh uroenyoe (14/2/2019).

Dipeutron yum keureucih nyan dipeugah uleh Direktur Utama Garuda Indonesia, I Gusti Ngurah Askhara Danadiputra seubagoe jeunaweub dari useuha dari Indonesia National Air Carrier Association (INACA) yang sigohlom jih kadijok bak padum-padum boh jalur kapai.

“Nyoe nakeuh upaya keu jeunaweub dari harapan ureung rame seureuta jeunaweub ateuh arahan Bapak Presiden Jokowi. Seubagoe upaya peu udep ekonomi nasional,” kheun I Gusti Ngurah Askhara.

Dipeugah lom uleh si gam nyang kayeem ditawok seubago Ari, dipeutron yum tikeut nakeuh seunambong dari reuncana bri sokongan keu peu udep pariwisata, UMKM, sampoe industri nasional nyang laen. Pulom layanan kapai pho that brat peunteng lam bhah nyan.

Bah pih meunan, pu nyang dipeulaku uleh Garuda Group, disambot uleh masyarakat nyang kayem jak wet-wet nanggroe deungon kapai. Teunte na rasa seunang yum keureucih ka ditron.

Tapi na cit nyang peukhem ata nyan. “Cok lih, peu ek lom yum beu meuhai. Lheuh nyan pupo teuk kapai ngon bangku soh,” kheun sidroe ureung nyang nan jih han dibi tuleh.


KOMENTAR FACEBOOK