LP, Syuruga Awak Meukat Sabe

Ilustrasi

ACEHTREND.COM, Jakarta- Dipeugah uleh Keutuha Forum Organisasi Kemasyarakatn Anti Narkoba (FOKAN) Lapas (peunjara-red) nakeuh teumpat nyang paleng digalak uleh awak meukat sabe.

Pakon meunan? Rupajih lapas nakeuh teumpat paleng aman bagi awak meukat, awak piep sampoe awak atoe biseunis hareum nyan. Lage lam “syuruga” meunyo ka leupah lam peunjara.

“Awak bandet nyan dikheun keu peunjara seubago apotik. Pakon? Kareuna di peunjara sabe paleng mangat dibloe atawa dipublo. Walau pih kayem cit dibeureukah uleh aparat, tapi lage haba nyan cit. Nyang meukat, meukat laju,” kheun Ketuha FOKAN Jefri Tembayong, SH., Seunin (18/2/2019)

Dari data nyang dipeugah uleh BNN, rab 90 % awak atoe biseunis narkoba na di dalam bilek tutopan (sel). Jefry pih saboh kheun deungon BNN teuntang hai nyan. Biseunis meukat narkoba di dalam peunjara that brat ka meurajalela.

“Lon yakin oknum peutugas di sinan na roh “saham”. Meuhan boh panena keumah dijak meukat lam peunjara,” kheun Jefry.

Untuk bhah nyan, Jefry dibri sokongan untuk gantoe Dirjen Pemasyarakatn deungon TNI atawa Polri. “Suwah sigra diganto. Han keumah lage nyoe sabe,” kheun jih, lage dituleh uleh Pos Kota.

KOMENTAR FACEBOOK