Dipicrok Polisi, Pancuri Honda Meu Adee Ateuh Aseupal

ACEHTREND.COM,Jakarta– Sidroe pancuri honda di Tanah Abang, Jakarta Pusat, Sabtu (9/3/2019) meu adee ateuh aseupal, kareuna gadoh kontrol, seubab dipicrok rame-rame uleh ureung gampong seureuta polisi. Pancuri budok nyan nan jih Dede Samsul (27) nakeuh awak Cianjur, Jawa Barat.

Kapolsek AKBP Lukman Cahyono, nibak Pos Kota dipeugah, si Samsol meujungkat gaki dari honda, kareuna dipicrok rame-rame dan hana dituho tajo le.

Kani Reskrim Polsek Tanah Abang Kompol Supriyadi, dipeugah, nibak poh 03:00 WIB, si Samsol diwet-wet sidroe ngon tapak. Meuban teuka di leun rumoh si Ilham (26) pancuri hana pangkai nyan dikalon honda dipeudong di keu rumoh.

Hana dipreh beungoh, si Samsol sigra dicungke stang honda lheuh nyan dibahu u luwa. Teungoh dicuba peu udep honda, Rupajih na ureung kalon.

Di ureung kalon sigra geusurak geulake bantu, na pancuri honda. Si Samsol ditume puplung honda nyan siat. Ureung gampong seureuta polisi nyang teungoh ronda dipicrok pancuri budok nyan. Na siat lheuh nyan si pancuri nyan ka meuteugom bak aseupal.

Wate jih ka teugageung ateuh jalan itam, awak gampong ditume takat sigo sapo bak gigo jih, awak nyan that brat icah dikalon pancuri nyan. Sangkira hana polisi, sang hanlot kupiah dipoh.

Polisi sigra dibeureukah si Samsol dan diba u Polsek Tanah Abang. Bak jaro jih polisi dirumpok kunci T ngon sikin lipat.

Haba ngon kudak: Pos Kota

KOMENTAR FACEBOOK