That Pangeh, Putoh Cewek, Gamba Hana Baje Inong Asai Pidie Disipreuk Bak Facebook

ACEHTREND.COM,Bireuen- A bin YH (31) aneuk muda asai Gampong Juli Cot Mesjid, Kecamatan Juli, Bireuen, dibeureukah polisi, Senin (17/6/2019) poh 23.00 WIB. Agam sidroe (lajang) nyan didrop kareuna diduga diupload foto incit cewek jih nyang hana baje dan tan siluweu bak Facebook. Agam sidroe nyan didrop uleh tim Opsnal Polres Bireuen kareuna meulanggeh deungon UU ITE.

Kapolres Bireuen AKBP Gugun Hardi Gunawan diapet uleh Kasat Reskrim Eko Randi Oktama, geupeugah bahwa A bin YH didrop uleh polisi, lheuh Y binti A (32) ureung Kecamatan Simpang Tiga, Pidie, dipeugot laporan polisi nibak uroe senin.

“Nibak uroe minggu, 16 Juni 2019, A, nibak poh 22.16 WIB, diupload foto cewek jih nyang ka putoh nibak fb. But nyan meulanggeh deungon Pasal 45 Ayat 1 Jo Pasal 27 Ayat 1 Undang-Undang Lumboi 19 Thon 2016. Alasan sigam nyan saket hate kareuna sinong nyan dipeuputoh hubungan awak nyan dua,” trang Gugun.

Si A didrop nibak warong kupi wate jih teungoh jeip kupi di bineh Rumoh Saket BMC.

Memang nibak talipun si gam nyan, na foto seureuta video si Y nyang hana baje dan hana siluweu. Meunurot info nyang saheh, si nong nyan dikirem foto seureuta video meunan-meunan wate awak nyan mantong na hubungan asmara. Wate awak nyan live streaming dua jih rupajih si A direkam mandum gamba teulhon nyan.

Meuban putoh, sigra si A diputa pikiran kiban cara bek putoh. Cuma hana cara kalinyoe. Si Y dimeubit dilake putoh. Kakeuh lah, keu jih bek keugob bek. Disipreuk teuk foto nyan bak saboh akun fb. Jino si A ka suwah dom di Polres Bireuen. []

KOMENTAR FACEBOOK