Pancuri Kameng di Seunuddon Dipoh Hanlot Keupiah

Si Her, pancuri kameng di Seunuddon. Dipoh le urueng gampong hanlot keupiah. Honda jih dipeu apui sampoe hanahi honda le. Foto: aceHTrend/Mulyadi.

ACEHTREND.COM, Lhoksukon- Hana dituri teube-teube kaoy, si Her bin Ja (30) dijak cu kameng atra ureung Gampong Alue Campli, Seunuddon, Aceh Utara. Teuma, but meujawie kalinyoe hana keumah dipeulaku, kareuna bagah that diteupu uleh urueng rame. Hana dipreh singoh, si her dihamok hanlot keupiah.

But hana got nyang dipeulaku uleh si Her nibak Rabu (28/8/2019). Si Her seureuta dua rakan jih nakeuh si MU dan FA, dijak cu kameng ureung gampong dan dijak koh taku bak ateung neuheun Haji Lah.

Ureung nyang kalon nyan geupeugah bak ureung laen lom. Hana geupreh singoh, lheuh geupeusapat ngon, sigra geujak drop pancuri kameng nyan.
Dua droe rakan si Her sigra dibalap deungon langkah siribe. Si Her hana ditume plung. Pu neutanyong teuma, lage tajok peng kiraju, kon cuma sigoe, meugogo sapoe boh soh meusangkot bak jumoh pancuri nyan.

Sangkeng beugeh ureung gampong, honda nyang dipakek uleh awak nyan juga dipeu apui uleh ureung rame.

Kapolsek Seunuddon Iptu M. jamil, nibak aceHTrend dipeugah bahwasajih, kameng nyang teungoh dikoh takue nyan dipeulaku di ateung neuheun.

“meuban geukalon kameng kalheuh dikoh takue, dibeudoh beungeh ureung gampong. Si Her jisoh sigoe sapoe. Honda jih dipeu apui uleh ureung rame. Lheuh nyan si her diintat u kanto polisi,” kheun Iptu M. Jamil.

Ganto dari bahasa Indonesia u dalam basa Aceh: Muhajir Juli

KOMENTAR FACEBOOK