Tiyong Plt Keutuha Umum PNA, Irwandi Digese u Bineh

Irwandi Yusuf (detik foto)

ACEHTREND.COM, Banda Aceh-Keutuha Umum Peureute Nasional Aceh (PNA)–nakeuh saboh peureute lokal di Aceh– kadipeupiyoh uleh Majeulih Manyang Peureute (MMP) atawa lam basa Indonesia dikheun Majelis Tinggi Partai (MTP). Nyan nakeuh hase dari rapat teuleubeh yang dipeugot di Hotel Hermes Palace, Banda Aceh, Hameh (5/9/2019).

Seulaen dipueputoh peupiyoh Irwandi Yusuf dari jabatan Keutuha Umum, majeulih rapat nyan dipeutunyok Samsul Bahri bin Amiren, atawa nyang kayem ditawok Tiyong, seubagoe Plt Keutuha Umum.

Hana mandum anggeta MPP teuka nibak rapat nyan. Nyang teuka keunan nakeuh Irwansyah seubagoe Keutuha MPP, Soenarko seureuta Miswar Fuady. Sayuti Abubakar seureuta Irwandi hana lam rapat nyan.

Bukon cuma nyan, hasee rapat MMP nyang laen nakeuh dipeutunyok Miswar Fuady seubagoe Plt Sekretaris Jendral. Seulaen nibak nyan, awak nyan lhe juga dipeubagah Kongres Luar Biasa (KLB) deungon agenda utama tuka AD/ART peureute.

Nibak surat haba, Muksalmina dipeugah bahwa digantoe Irwandi kareuna teungku nyan ka dipeusah salah uleh Pengadilan Tipikor dan Pengadilan Tinggi Jakarta. Di likot nibak nyan, Irwandi ka dipeupepiyoh siat dari jabatan seubagoe Gubernur Aceh uleh Presiden Ri Joko Widodo.

“Kareuna nyan Keutuha umum ka hana jeut le peujak but peureute lage dimandatkan uleh Kongres I PNA,” kheun Irwansyah, yang nakeuh salah sidroe ureung peudong PNA nyang jino meurangkap seubagoe anggeta Peureute Demokrasi Indonesia Perjuangan (PDIP) DPC Banda Aceh.

Seulaen nyan, rapat MPP nyan dipeuduk kareuna peujak harapan DPW seureuta DPK PNA nyang lake beubagah dipeuduk Kongres Luar Biasa (KLB), deungon agenda gantoe Irwandi dari Keutuha Umum.

Nyan Kon Hak Muksalmina

Sayuti Abubakar, Sekretaris MMP PNA, dipeugah bahwa peukara peupiyoh Irwandi dari Keutuha Umum, kon lah tugaih dan kewenangan MMP. “Ketua Umum dipileh uleh kongres, MMP dipileh uleh formatur kongres.

Aneuk muda asai Peusangan nyang jinoe meukiprah di Jakarta nyan dipeugah lom bahwasajih anggeta MMP limong droe ureung, kon lhe droe. Lam MMP Sayuti nakeuh diduk seubago keurani MMP.

“Irwansyah hanjeut cok keuputusan meunan. Pulom keuputusan nyan meulanggeh ngon neuduk peureute. Bek kareuna ambisi talanggar neuduk peureute seureuta qanun nanggroe (UU-red).”

Lam bhah nyan Sayuti dipeugah lom jih hantom diudang untuk jak bak rapat nyan. “Nyan keputusan Irwansyah seucara keudroe,” kheun sayuti.

Hase keunalon aceHTrend dari padim wate nyang ka u likot, lage na nyang hana pah lam tuboh PNA, seujak Irwandi meunang lam Pilkada Aceh 2017. Keuphon nakeuh peupiyoh Irwansyah dari Keutuha Umum dan digantoe uleh Irwandi.

Sigalom nyan, karu antara Irwandi deungon Sekjend PNA nibak masa nyan Muharram Idris. Bah pih Muharram na cuba lawan deungon rauh hukom, tapi di peugandilan jih talo.

Wate Irwandi dikeuneuk drop uleh KPK, Samsul Bahri bin Amiren nyang nibak wate nyan duk bak kurusi Keutuha Harian, dilake piyoh dua go. Kali keudua,Irwandi teurimong. Wate Irwandi kadidrop uleh KPK, na padim boh elemen di tuboh PNA, peutunyok lom Samsul Bahri keu Keutuha Harian. Lam wate nyan awak nyan dua kayem meudawa bak media sosial Sacebook. Sinde-meusinde, kheun meukheun. Sampoe ureung lam FB sare diprok-prok jaroe dikalon peukateun ureung nyan dua. Na nyang peugah lage Tom and Jerry.

Lam ban-ban nyoe, Irwandi Yusuf nyang mantong diglap lam tutopan KPK, geupeupiyoh Tiyong dari kurusi Keutuha Harian, dan geuganto Miswar Fuady dari sekjend. Lheuh nyan Irwandi geupeutunyok bino gobnyan Darwati keu Keutuha Harian seureuta Muharram Idris keu sekjend. []

Sumber berita: Serambi Indonesia & aceHtrend. Salen keulayi lam basa Aceh uleh Muhajir.

KOMENTAR FACEBOOK