Aneuk “Tarzan” Dipoh Mate Mak Droe Jih

Aktor Tarzan, Ron Ely. ((AP Photo/Reed Saxon, File)

ACEHTREND.COM,California- Ureung droeneuh mantong teu-ingat keu Film Tarzan? Nyoe, film sidroe bayi aneuk ureung banda (kota) di Amerika nyang dipeularha uleh simpanse di rimba Afrika.

Ron Ely, nakeuh awak maen film nyan nyang jeut keu Tarzan. Nibak Seulasa (15/10/2019) aneuk jih nyang diböh nan Cameron dichop inong si Ron Ely sampoe mate.

Cameron aneuk si Ron Ely ngon Valeria Lundeen. Awaknyan tinggai di Santa Barbara, California, Amerika Seurikat. Valeria nakeuh mak kandōng si Cameron.

Aleh kiban phōn keujadian, tiba-tiba polisi teuka u rumoh si Valeria (62) dan dikalon ureung inong tuha nyan ka reubah ateuh aleu deungon kondisi badan techop-chop di padim pat. Akhejih, polisi pih ditembak aneuk darohaka nyan, kareuna si Cameron han ditem meunyeurah dan dilawan polisi. Meuban keunong timbak si Cameron pih mate di sinan.

“Hana kamoe teupu lom pu peukara. Nyang pasti wate polisi teuka keunan, tuboh Valeria ka teutik bak aleu dan na padum pat luka teuch’op,” meunan asoe haba nyang dipeuteubit uleh Kanto Sheriff Kota Santa Barbara.

Ron Ely seureuta Valeria dimeunikah nibak thon 1984. Dari hase nikah nyan na aneuk lhe boh. Nan aneuk awak nyan Kirsten, Kaitland dan Cameron. Ron Ely dituri uleh donya wate dimaen lam serial film Tarzan yang diputa bak tiphi dari 1966 sampoe 1969.[]

KOMENTAR FACEBOOK