ACEHTREND.COM, Idi- Sidroe lakoe nyang nan inisial jih KH (31) ditop inong drojih ngon sikin dapu, kareuna brat that beungeh lheuh dikheun keujih agam mabok sabe. Peukara meudarah nyan nibak Sabtu (16/11/2019) nyang dipuphon uleh KH nyang ditudoh inong droe jih dimeumukah ngon agam laen.
KH nyang asai Gampong Matang Neuheun, Kecamatan Nurussalam, Aceh Timu, ditop purumoh droejih leh awak nyan dawa-dawi. Bhah phon nyang jeut keudawa nakeuh si KH ditudoh awak di rumoh droejih nyan na dimeumukah (selingkuh-red) deungon agam laen.
Inoeng jih nyan han diteurimong tudohan nyan. Seulaen nibak nyan inong si KH dilake bukti pu nyang ditudoh uleh lakoe droejih nyan. Teuma kareuna han ek le ditheun hate, nibak ujong dawa, inong nyan dikheun keu lakoe droejih nyan kapungo, sebab teuga that rhup sabu-sabu.
“Pat bukti meunyo lon selingkuh? Droneuh cit ka mabok ngon sabu-sabu makanya ka peugah lon selingkuh. Mandum ureung ditupu kah nyang tukang sabu,” kheun inong nyan nyang diulang keulayi uleh Ule Polisi Sektor Nurussalam Iptu Abdullah, Seulanyan (18/11/2019).
BACAAN LAINNYA
Meuban dideungo tutonya, si KH meutamah beungeh jih. Teungoh meu’hub-‘hub beungeh jih, deuh dikalon sikin di ateuh kulkah. Diraba laju sikin nyan dan sigra ditop bak pruet inong drojih nyan limong go.
Teuma, lheuh ditop awak di rumoh droe, si KH teuka teumakot. Kareuna hana meupu peugot le, sigra dicok kunci moto dan distart dan dijak blah droe jih.
Inong si KH nyang ka keunong top sigra disurak lake bantu. Ureung lingka teuka keunan hana trep lheuh nyan. Inong nyang geubaplung u Rumoh Saket Graha Bunda.
Hana trep nibak nyan, polisi sigra dijak mita agam nyan. Si KH dibeureukah uleh polisi. Sikin dan baje meudarah ata inong si KH dicok keu barang bukti.
“Ateuh peukara nyoe, si KH dibidek deungon Pasal 351 ayat (2) KUHP, ancaman hukoman paleng jai 5 thon peunjara,” kheun Abdullah.
Sumber: Antara
Alih bahasa: Muhajir Juli
![Syahrul, SH. [ist]](https://www.acehtrend.com/wp-content/uploads/2020/05/syahrul-LBH.jpg)
Komentar