That Paloe, Hana Ganteng, Tapi Supe Taksi Online Ditume “Giduk” Padim Droe Sewa

14 Droe Inong Ditume "Pajoh"

ACEHTREND.COM, Jakarta Barôh- Hana nyang leubeh that dari si AS (31) supe taksi online di Jakarta Barôh (Jakarta Utara-red). Tapi but jih meuleupah meupaloe. Meublah droe awak inong ditume olah sampoe diba lam tika eh untuk dijak “cok leubeng”. But nyan kon meumada ‘eh nan sagai. Tapi direukam ngon kamera talipun. Lheuh nyan dipakek untuk lake peng bak inong nyang ditume peulaku le jih.

Seucara fisik, si AS nyan hana ceudah, muka pasaran seureuta hana peng. But si uroe-uroe ba moto taksi online. Tapi ditume meucewek ngon padum droe inong nyang jeut keu sewa jih. Ban mandum nyang dimeucewek le si gam bakong nyan, ditume olah sampoe dibi nyang hana patot dibie seulaen keu samlakoe.

Si AS budok antok nyan, nyang bhok lage kameng, bukon cuma dipajoh nyang kon hak droejih, tapi but ayeb nyan direukam ngon hp. Lheuh nyan dipakek keu alat untuk ancam inong-inong nyan mandum. Rupajih cara nyan ampuh dipeulaku. Sampoe meurumpok dua go untong. Lheuh meurumpok ata jeh, meurumpok peng lom. Meunyo hana dibi peng, si AS diancam awak inong nyan dum. Video hana patot nyan akan disipreuk lam internet. Bit budok antok.

Teuma, but hana jeut keubut nyan, akhe jih seuleuso dan si AS dibeureukah uleh polisi Polsek Pademangan, Jakarta Barôh. Sidroe peulayan restoran nyang umu jih 28 thon, dilapor AS bak polisi. Kareuna jih kateumakot seubab si AS diancam si nong nyan. Meunyo hana dibi peng, video seks awak nyan dua akan dipasoe lam internet.

“Mangat that jih. Ata lon tume pajoh meugo-go, peng lom dipaksa harus lon jok. Han that jan kuh. Kob brat jijik kuh keujih,” kheun sinong nyang bak polisi.

Polisi sigra didrop sigam nyan. Lheuh teuka laporan, polisi hana dipreh singoh beungoh. Sigra dijak seutot supe nyang paloe nyan.

Kapolsek Pademangan Kompol Joko Handono dipeugah, si AS didrop lheu na laporan dari sidroe ureung inong.

“Si nong nyan peugawe restoran. Bak saboh wate ditume meukachuk ngon supe nyan bak saboh teumpat. Lheuh sigoe nyan, dipubut lom ata nyan padim go teuk. But nyang hana jeut keubut nyan direukam ngon hp. Lheuh diesmenten dua jih, lheuh nyan dipakek video nyan untuk jak lake peng. Meunyo hana dibie, diancam akan disipreuk bak internet,” kheun Kapolsek, Jumeu’at (20/12/2019).

Sigohlom jih, si AS seumpat hana meuho seulama nam buleuen. Dipuplung ATM ata si nong nyan. Nibak Rabu (11/12/2019) jih teuka lom. Ditalipun si nong nyan dan dilake peng.

“Meunyo hana kabi peng, video tanyoe meupap kukirem vak internet,” kheun si AS.

Si AS didrop di rumoh jih di dairah Tomang, Jakarta Barat, Jumeu’at (13/12/2019).

Awai Phon Tuka Lumboi Hp

Dipeugah le Kapolsek, khusus ngon si nong nyan, awak nyan meuturi lam taksi online. Lheuh nyan tuka lumboi hp. Sampoe awak nyan peugah haba rot hp dan si AS peuteubit rayuan uleu brôh. Si nong nyan pih meulambong keunong “ek teulheu”.

“Na padum go ditume meubut dua jih, sampoe mume dan si gam nyan diplung,” kheun Kapolsek.

Dari hase sidek polisi, jumeulah awak inong nyang ditume pasoe asoe lam asoe na 14 droe. Ateuh but jih nyan, si AS dipeukara ngon UU ITE dan KUHP bhah teumipe.

Sumber: Pos Kota

KOMENTAR FACEBOOK