Dijak Lawan Polisi, Lhe Droe Peurampok Beukah Beuteh Keunong Timbak

Lhe droe peurampok moto ba saka, beukah asoe beuteh jih ditembak uleh polisi. Foto: Pos Kota.

ACEHTREND.COM, Jakarta- Lhe droe bandet nyang rampok moto geurubak ba saka, beukah beuteh keunong aneuk bude. Awak nyan ditimbak bak gaki uleh polisi, lantaran dijak cuba lawan aparat baje coklat nyang meubude.

Dipeugah lam koran Pos Kota, lhe droe bandet nyan dibeureukah uleh polisi di dairah Rawa Buaya, cengkareng, Jakarta Barat. Jumeulah mandum peurampok nyan nakeuh limong droe. Dua droe hana ditimbak kareuna awai dibeu-ot jaroe tanda meunyeurah.

Lhe droe nyang keunong timbak nakeuh AM 948), CS (43), dan AN (43). Lhe droe awak nyan beukah beuteh dipeuduk aneuk bude polisi. Dua droe teuk hana ditimbak nakeuh WO (42), BS (21).

Waki Kapolres Metro Jakarta Barat AKBP Stefanus Michael Tanutuan, Minggu (29/12/2019) dipeugah limong droe peurampok nyan sigohlom jih jirampok moto geurubak. Jumeulah saka nyang dirampok limong ton (100 zak) nyang jikeuneuk publoe. Seulaen awak nyan, polisi dipeuaman cit SUV X Trail A 1799 YN nyang dipakek wate jimeurampok.

“Wate jikeuneuk drop uleh polisi, awak nyan dilawan. Lhe droe nyang teupaksa ditembak seumpat dijak lawan polisi deungon parang. Kareuna ka dimeulawan meunan, polisi pih dipeuduk ju aneuk bude bak gateh jih dum nyan,” kheun Stafanus.

Peukara nyan diteupu uleh polisi, kareuna awak moto saka dipeugot laporan bahwa nibak Rabu, 11 Desember 2019, awak nyang dirampok uleh limong droe urueng nyang pakek moto SUV X Trail. “Peukara nyan ka keujadian nibak November 2019. Awak moto nyan dipeugot laporan bak tanggai 11 Desember 2019,” kheun Waka Polres.

Dipeugah lom uleh polisi, but meurampok nyan rupajih katrep direuncana. “Katrep that direuncana,” kheun Stefanus.

Dipeugah uleh penyidik, awak nyan ban limong jih kon phon dipeulaku but lage nyan. Sigohlom jih na padum go dirampok awak moto barang. Cuma seulama nyan hana supe nyang beuho peugot laporan. Supe teumakot keu awak nyan.

“But ka biasa. Kareuna barokon hana supe nyang beuho peugot lapuran bak polisi. teumakot jipoh bak jalan. Kali nyoe trep cit baro diteujeut peugot laporan uleh supe,” kheun penyidik.

Seulama nyoe, peng hase meurampok dipakek untuk biaya udep dan foya-foya. Khusus saka nyang dirampok nyan, reuncana akan dipubloe keu peunadah deungon yum 50 juta Rupia. “Maka jih sidroe peunadah di Sukabumi kamoe drop cit,” kheun penyidik.

Sumber aseuli: Pos Kota

KOMENTAR FACEBOOK