ACEHTREND.COM,Beijing- That peudeh hate si Lim (takheun ju meunan nan jih-red) calon linto baro di Cina, nyang calon inong jih ditume meumukah (meuseutuboh-red) ngon lakoe kak si Lim. But hana jeut keubut nyan teureukam kamera CCTV nyang dipasang padim uroe sigohlom awak nyan peugot acara nikah.
Disurah lam surat haba Kwong Wah Daily, nyang lheuh nyan disalen keulayi uleh World of Buzz, lheuh nyan dicok teuma uleh Tribun Medan, Seulasa (31/12/2019) si Lim pura-pura hana diteupu sapu. Lim dikubah saket hate jih deungon got. Hana dipeuleumah ri meubacut. Padahai, seupo hate nyang han anco, calon ureueng inong nyang taneuk cok keu calon ma aneuk mit, dibi ata alah nyan keu ureung laen. Nyang leubeh peudeh lom, nyang “cok pit” bak si Ling (takheun ju meunan nan si nong nyan-red) nakeuh lakoe kak si Lim.
Walau lam jantong ka hu apui, si Lim hana dipeugah sapat. Dikabom keudroe dan teutap hana dipeubateu acara nikah.
Nibak uroe nikah, si Lim dan Ling, deungon baje linto baro dan dara baro, dilangkah lam aula. Rame ureueng kalon ngon peunoh seunang hate. Ban dua awak nyan teuseungeh-seungeh. Lage hana keujadian sapu. Lakoe kak si Lim na sit di teumpat nyan. Agam budok antok nyan pura-pura hana peukara. Padahai si malam sigohlom jih, kalheuh “dimubut” ngon calon inong parui jih.
BACAAN LAINNYA
![Matahari tenggelam yang sangat indah. [Hj. Maria Karsia]](https://asset.acehtrend.com/media/uploads/2020/09/IMG-20200927-WA0011-120x86.jpg)
Rupajih, sigohlom akad nikah, si Lim kadipeusiap video nyan. Mandum ureueng teukeujot. Si Ling teukeupak aruwah jih. Hana jisangka bila but awak nyan ditupu uleh si Lim. Mirah muka inong hana setia nyan.
Kareuna male sampo ujong ok, si Ling dipeupo bungong bak jaroe ateuh si Lim.Lheuh nyan dibeurangkat dari teumpat nyan. Si Lim hana goi jih. Memang hana nit dih le untuk nikah.
Acara nikah nyan bateu. Lakoe kak si Lim suwah cok silop. Mandum ureueng nyang teuka, geukheun sikrek sapu ke awak nyan dua. []
