ACEHTREND.COM,Washington DC- Presiden Amerika Syarikat Donald Trump, dipeugah han ditem muprang deungon Republik Islam Iran. Bah pih markas pasukan jih di Irak kadiseurang deungon rudal. Seurangan Iran ateuh Amerika Syarikat, lheuh awak Amerika dijak bom Jenderal Qasem Soleimani.
Dikeu wartawan dipeugah uleh si Trump bahwa ijih ditem saba lam bhah nyan. Bahpih markas pangakalan udara awak nyan di Ain al-Assad dan Irbil ditakat deungon rudal uleh Garda Revolusi Iran.
“Iran kon lawan kamoe. Meunyo tapeubandeng seunjata hana meupat awak nyan. Bah pih meunan, kon meumakna ban jai seunjata, kamoe galak that muprang,” kheun Trump, Hameh (9/1/2020).
Dipeugah le si Trump, Iran jeut dihukom deungon cara dijok sanksi ekonomi.
![Etalase yang memamerkan perhiasan emas. [Ist]](https://asset.acehtrend.com/media/uploads/2019/02/emas-perhiasan.jpg)
“Mudah that nyan. Amerika bi sanksi ekonomi ngon finansial, ka seuleuso. Tajok sanksi sampoe diubah but jih,” kheun Trump lom.
Sigohlom dipeugot konferensi pers, dua boh pangkalan udara Amerika Syarikat di Irak dihamok uleh Garda Iran. Dipeugah uleh otoritas Iran, 80 droe sipai Amerika meuhambo bak tanoh dan hana udep le. Tapi Trump dipeugah hana sipai jih nyang mate.
“Hana, panena sipai Amerika nyang mate. Meuka dipeugah laju le awak nyan [Iran]. Intijih kamoe hana meujak balah seurang awak nyan. Na cara laen dipeuteupat urat awak Iran,” kheun Trump.
Dari meubago sumber
