Iran-AS Karu, Yum Meuh Meuhai, AS Hana Ditakat Iran, Yum Meuh Ditrôn

Etalase yang memamerkan perhiasan emas. [Ist]

ACEHTREND.COM, New York- Na lagèe tamselan ureung awai, keubeu meupake cangguk nyang maté. Meunan keuh peukara meupaké antara Pomerintah Neugara Iseulam Iran deungon Pomerintah Amerika Syarikat.

Gara-gara awak nyan dua meukap lheuh Presiden Donald Trump seumaté Jenderal Qaseem Sulaimani, yum meuh donya meug’rak-g’rak diék. Potensi prang dua boh neugara nyan, dipeumanfa’at uleh investor keu peuék yum meuh.

Yum meuh nibak uroe Rabu (8/1/2020) nibak phon dibuka meuneukat diék dari 2,35% keu tingkat US$ 1,610,9/troy ons. Yum nyan nakeuh nyang paleng meuh’ai seujak Maret 2013.

Teuma, lheuh Trump h’an ditém muprang lawan Iran, yum meuh pih ditrôn lom. Sampoe uroe Hameh (9/1/2020) hareuga meuh donya leumoh 0,64% nyakni ditrôn bak level 1,545,77/troy ons. Nyan data nyang dipeuleumah uleh Refinitiv.

Yum meuh diék lheuh Iran dijak rudal dua boh pangkalan udara Amerika Syarikat di Irak.

Sumber: ABC

KOMENTAR FACEBOOK