ACEHTREND.COM, Langsa- Polisi Sektor Langsa Barat, seureuta Satres Narkoba Polres Langsa, Aleuhad (10/5/2020) nibak poh 19.00 WIB digeurebek saboh rumoh di Gampong Baro, Kecamatan Langsa Lama. Lam operasi nyan, polisi jidrop lhe droe awak r’hub sabè. Salah sidroe jih nakeuh anggèta polisi Polres Aceh Timur.
Kasat Narkoba Polres Langsa Iptu Wijaya Yudi Stria Putra, SH, nibak aceHTrend, Seulasa (12/5/202), dipeugah, lhè droe ureung yang jidrop nakeuh RS (41) awak Gampong Baro, Langsa Lama, MI (35) awak Gampong Jawa, Langsa Kota, seureuta MHP (31) anggèta Polres Aceh Timu.
Awai nibak nyan, polisi meukeusud dijak mita pancuri honda (sepeda motor-red). Tapi keutika digeurebek rumoh nyan, polisi ditume saboh bungkôh sabè yang geuhon jih 0,15 gram. saboh bong dan padim macam bukti laén.
“Sabè nyan ata si RS seureuta MI. Dipakek ulèh awak nyan lhè,” kheun Kasat Narkoba. “Sabè nyan dibloe Rp100.000 dari si M yang jino kaditamöng lam DPO. peng bloe sabè dimeuripè antara RS dan MI.”
Khusuih MHP, kalheuh dites ‘iek (urin) dan hasé jih positif meu asoe methampetamine. Man lhė awak nyan kadiba u Polres Langsa. []
