ACEHTREND.COM,Langsa- Tujôh droe ureung inöng di Langsa, dibeureukah uleh Satreskrim Polres Langsa. Inöng yang sampoe inohat mantong disangka lonté nyan, jidrop ‘oh lheuh digari dua droe ureung inöng di keu Hotel Harmoni, Sabtu (9/5/2020).
Kasat Reskrim Polres Langsa Iptu Arief S Wibowo, Seulanyan (11/5/2020) nibak wartawan dipeugah bahwasajih tujôh droe ureung inöng yang diduga lonté online nyan didrop lheuh ditume dua droe ureung inöng di keu Hotel Harmoni yakni Yu (47) ureung Gampong Jawa, Langsa Kota, dan HE (35) awak Gampong Alur Dua, Langsa Baro.
Dipeugah uleh Kasat Reskrim, awak nyan dua tugaih jih mita ureung agam yang hawa “ék jalô” ngon inöng nyang kon binoe droe. Seulaen nibak nyan, dua droe inöng nyan nakeuh tukang buka useuha untuk calon-calon lonté yang keuneuk tamong lam biseunih lindé.
“Awak nyan dua tukang meukat,” kheun Arief Wibowo.
Lheuh keunong drop uleh polisi, si Yu dan HE “dimeulagu” teuma. Dari hase jih “meulagu” nyan polisi didrop lom padim droe teuk awak inöng yang seulama nyoe peusewa “ata nyan” keuso mantöng nyang meuheut ék jalô tapi hana suwah meunikah.
Awak inöng nyan nakeuh CL(32), CJ(23). Bandua awak nyan ureung Gampong Paya Bujôk Blang Paseh, Langsa Kota. Lheuh nyan DA(23), asai Gampông Gedubang Jawa, FN(22), warga Alur Dua Bakaran Bate dan IF (24), warga Gampong Paya Bujôk Tunong, Kecamatan Langsa Baro.
“Ateuh but meulanggéh nyan, ban mandum jih nyan keunong Pasai 296 jo 506 KUHP san Pasai 25 Ayat 2 Qanun Aceh Lumboi 6 Thon 2015 Teuntang Hukôm Jinayah,” kheun Kasat Reskrim. []
