Teungöh R’hup Sabè, Peut Droe Aneuk Muda Dibeureukah Polisi

ACEHTREND.COM,Langsa- Peut droe aneuk muda, Seulasa (16/6/2020) dibeureukah uleh polisi nibak saboh rumôh di Gampong BTN Seuriget, Keucamatan Langsa Barat, Kota Langsa. Awak nyan didrop uleh bhayangkara kareuna r’hup sabè.

Peut droe aneuk muda yang teungöh mabôk nyan digeurebek uleh tim Opsnal Satres Narkoba Polres Langsa, nibak poh 20.00 WIB. Awak yang keunöng drop nakeuh
WA(37) ureung Gampong Bukit Tempurung Kota Kualasimpang, Aceh Tamiang. SA, (40) Gampong Bandar, Kecamatan Karang Baru, Aceh Tamiang. KA (42) Gampong Seulalah, Kecamatan Langsa Lama dan AR, (34) warga Gampong Sukarejo, Kecamatan Langsa Timur.

Kasat Narkoba, Iptu Wijaya Yudi Stria Putra, SH, nibak aceHTrend, Rabu (17/6/2020) dipeugah, haba peut droe aneuk muda ‘pip sabè di salah saboh rumôh di BTN Seuriget, dari info yang dibrie uleh salah sidroe asoe gampông yang ka han ék dikalon le peukara hana beutoi nyan.

“Di rumôh nyan ka kayém that meusapat aneuk muda yang meunurôt awak sinan, di’pip sabè. But aneuk muda nyan kadipeugöt suasana di sinan kureung pah.”

BACAAN LAINNYA

Dua Bulan Keluar Bui, Seorang ASN di Langsa Kembali Ditangkap karena Jual Sabu

29/09/2020 - 13:10 WIB

Mantan Residivis di Langsa Membobol Empat Ruko, Hasilnya untuk Beli Sabu 

17/09/2020 - 13:53 WIB

Polres Aceh Tamiang Gagalkan Peredaran 38 Kg Sabu dan Ribuan Pil Ekstasi, Pemilik Melarikan Diri

15/09/2020 - 18:04 WIB

Baru Tiga Bulan Bebas, Warga Julok Kembali Ditangkap karena Edarkan Sabu

04/09/2020 - 20:15 WIB

Pu yang dipeugah uleh ureung gampông meubacut hana salah. Nibak wate polisi meugrak keunan jak lhôh, peut droe aneuk muda memang teungöh “khauri” sabè.

Sabè yang ditume cok dari jaroe aneuk muda nyan nakeuh 0,22 gram. Awak nyan dipeugah barang hareum nyan dibloe dari F dan R deungon jumeulah peng Rp200.000. Mandua awak nyan jinoe DPO.

“Man peut droe awak nyan ka kamoe ba u Mapolres Langsa. Sidéh tapareksa keulayi,” kheun Iptu Yudi.