![Presiden RI Ir. Joko Widodo di Istana Bogor, Jumat (17/7/2020). [FB Presiden Joko Widodo]](https://www.acehtrend.com/wp-content/uploads/2020/07/presiden-Jokowi.jpg)
ACEHTREND.COM, Bogor– Presiden RI Ir. Joko Widodo, Jumat (17/7/2020) di keu gubernur dari ban mandum provinsi geupeugah bahwa jinoe hana pu harap investasi untuk peugrak ekonomi. Karena nyan peukara yang hana mungken dipubut lam kondisi pandemi Covid-19.
“Lam situasi lage nyoe, kon investasi yang taharap mampu peugrak ekonomi geutanyoe, nyan ata hana mungkén,” kheun Presiden Jokowi, yang geutuleh keulayi lam Facebook resmi gobnyan.
Ureung agam asai Solo, Jawa Teungoh nyan, lam rapat di Istana Kepresidenan, Bogor, geupeugah untuk jino siat, beulanja pemerintah nakeuh solusi yang paléng mungkén. Jadi beulanja Pemerintah Pusat dan daerah solusi yang suwah sigra dipeulaku untuk meuputa ekonomi di maséng-maséng provinsi di Indonesia.
Geupeugah lé Jokowi, bak bank jumeulah peng pemerintah daerah nakeuh 170 triliun untuk thon 2020. Nyan kön peng yang ubit. tapi that-that jai dan hanjeut kubah lë di bank.
“Nyoe lon peuingat bak droneuh mandum, peubagah beulanja peng pemerintah. Lon peuingat lom, anggaran pemerintah daerah yang meukubah bak bank nakeuh 170 triliun. Nyan kön jumeulah yang ubit. Pakek laju untuk puta ekonomi,” kheun Jokowi. []
![Kharijah di dalam gubuknya. [Masrian Mizani/aceHTrend]](https://www.acehtrend.com/wp-content/uploads/2020/08/IMG-20200825-WA0014-350x250.jpg)
Komentar