ACEHTREND.COM,Washington– Ule Pomerintah Amerika Syarikat Donald Trump dipeugah neugara Bahrain sigra akan dimeugöt deungon Israel. Sigohlom jih, neugara Uni Emirat Arab 9UEA) leubeh dile ditém peusambong keulayi hubungan deungon neugara Yahudi yang kayém that meupaké deungon otoritas Palestina.
Haba nyan dipeugah uleh Donald Trump, lheuh jimeuhubông deungon Raja Bahrain Hamad bin Isa Al Khalifa, dan PM Israel Benjamin Netanyahu, Jumat (11/9/2020).
Dipeugah uléh Trump, lage dituléh Arabnews, pu yang dipubut nyan nakeuh peuluweung untuk peulahè dame yang leubeh jiôh di Arab (Timur Tengah).
“Netanyahu dipujo upaya meudamè nyan seubagoe era yang barô. Nyan nakeuh upaya peulanjôt upaya stabilitas keamanan dan makmu di kawasan nyan,” kheun Trump.
BACAAN LAINNYA
Sigohlom jih, nibak 13 Agustus 2020, UEA dan Israel pakat that untuk meudamè.
Minggu yang ka u likôt, Menteri Lua Nanggroe Bahrain Abdullatif Al Zayani dipeugah awaknyan ka dibi idin keu kapai-kapai Israel untu pho di ateuh langet Bahrain.
Seulaén nibak nyan, Abdullatif juga dipeugah bahwa deungön meudamè dua nanggroe nyan, akan leubeh mudah untuk peupasti hak-hak awak Palestina.
“Deungön kamoe meudamè nyoe, makén mudah untuk ta tham Israel bek lé dijak rupah tanôh Palestina,” kheun Abdullatif.
Presiden Meusé (Mesir-red) Abdel Fattah El-Sisi dibrie prok-prok jaroe ateuh langkah peunténg Israel ngön Bahrain yang ka dipeuikat droe deungön hubungan diplomatik. []
Komentar