ACEHTREND.COM,Langsa- FA (45) peugawe Pemerintah Aceh Timu, Seula’nyan (30/11/2020) dibeureukah uleh peulisi Polres Langsa, nibak poh 10.00 WIB. Agam yang limöng thôn teuk ka umu 50, didrop di dalam rumoh sikula di Gampông Teungoh, Keucamatan Langsa Kota.
Ule Peulisi Kota Langsa AKBP. Agung Kanigori Nusantoro, SH,SIK, Seulasa (1/12/2020) dipeugah bahwa FA nakeuh ureung Gampông Paya Bujôk Seuleumak, Keucamatan Langsa Barô.
Wate FA dibeureukah uleh peulisi, sajan jih na sabe 0,80 gram, seureuta padum boh barang bukti laen.
Ule Polisi Kota Langsa nibak wartawan dipeugah, haba yang dipeusampoe uleh ureung gampông bahwa seulama nyoe rumoh sikula nyan kayém that dipakek keu teumpat ‘pieb sabe uleh awak mabôk. Seulaen nibak nyan di sinan kayém that dipeugöt keu lokasi meukat sabe.
Ateuh haba yang dipeusampoe nibak peulisi uleh ureung gampông, Ule Peulisi Kota Langaa sigra dipeurintah aneuk buah untuk jak panto kawasan rumoh sikula nyan yang jino siat hana aktivitas pendidikan karena teungöh Covid-19.
Nibak wate peulisi jak wét -wét bak rumoh sikula nyan, meutume teuk FA teungöh ladat that ngön sabe. Hana dikeubah keu singöh, PNS nyan sigra didrop dan diba u kanto peulisi.
“Barang hareum nyan dibloe uleh FA dari S deungön yum Rp150 ribe. Si S nyan jino ka ditamöng nan jih lam daftar ureung yang diseutöt uleh peulisi (DPO),” kheun Kasat Resnarkoba Polres Langsa Kasat Resnarkoba Iptu Imam Aziz Rachman, STK, SIK.[]
![Syahrul, SH. [ist]](https://www.acehtrend.com/wp-content/uploads/2020/05/syahrul-LBH.jpg)
Komentar