ACEHTREND.COM,Banda Aceh- Lam sigö minggo nyoe, Satpol PP/WH Banda Aceh meuhasé drop saboh leumo dan lhe boh kamèng yang dijak meuröt lam Gampông Lueng Bata dan Lambung. Meulatang nyan ka dilangga Qanun Banda Aceh Lumbôi 12 Thôn 2004 bhah Peuatô Meulatang.
Plt. Kasatpol PP dan WH Heru Triwijanarko, S. STP, M.Si, yang dipeugön Kabid Trantibum Evendi, S. Ag, nibak wartawan dipeugah peut boh meulatang nyan hana patôt na lam banda,kareuna bisa ceulaka ureung ba geureutan dan moto.
“Po meulatang nyan ka dilanggéh Qanun Banda Aceh Lumbôi 12 Thôn 2004,” kheun Heru.
Nibak wartawan, Sabtu (16/1/2021) Heru dipeugah lom, jino siat man peut boh meulatang nyan ka dikeubah di UPTD Rumah Potong Hewan (Rumôh Si Meulatang) di Gampông Pandé, Keucamatan Kutaraja.
Lage dituléh lam qanun, tip – tip meulatang yang meu wét- wét bak taloe jalan lam banda, keunöng deunda Rp100 ribe untuk leumo dan 50 ribe keu kameng, yang keunöng drop dan dikeubah bak Rumoh Si Meulatang. Nyan denda per uroe per ikue.
“Bagi po meulatang, kajeut neujak cok leumo dan kameng nyan. Bek neu peutrêp lé. Makén trép makén jai denda,” kheun Heru. []
