ACEHTREND.COM,Medan- Keutuha Kantô Staf Presiden (KSP) Jenderal (Purn) Moeldoko, Jumeu’at (5/3/2021) dipiléh seubagoe Keutuha Chiek Peureute Demokrat. Ureung agam asai kediri, Jawa Timu nyan, dipiléh nibak acara Kongres Luar Biasa (KLB) yang dipeugöt di Hotel The Hill Sibolangit, Deliserdang, Sumatera Utara.
KLB nyan hana trép. Lage ureung cok apui wate piléh keutuha chiek. Marzuki Ali yang ka dipeucat uleh AHY, dipeutunyok keu calon keutuha. Moeldoko meunan cit. Tapi, hana trép lheuh nyan, Moeldoko dipeuduk keu Keutuha Chiek. Marzuki Ali dipeuduk seubagoe Keutuha Peutimang (Ketua Pembina).
“Tapeuputôh, tapeuduk Jenderal (Purn) Moeldoko seubagoe Keutuha Chiek Peureute Demokrat,” kheun Jonny Allen, Keutuha Sidang KLB.
Lam Peureuté Demokrat, Moeldoko nakeuh sidroe ‘jamè’. Sigohlom jih, alumnus Akabri thon 1981 nyan nakeuh anggeta Peureuté Hanura.
Sibuleuen leubeh bacut sigohlom KLB, Moeldoko kamulai peuleumah signal bila PD akan dicok lé jih. Teuma, nibak wate nyan, euncit Panglima TNI mantöng som – som mi wate peugah haba.
“Mungkén jai yang peunasaran. Meunoe böh, ilôn cuma kujép – jép kupi, pakön jeut kirôh meuno?” Kheun Moeldoko, Rabu (3/2/2021) wate ka buchoe na diduk ngön anggeta PD.
